নেটফ্লিক্সে খৰচ হ্ৰাসৰ বাবে এজন অনুষ্ঠানত জেনাৰেটিভ AI ব্যৱহাৰৰ কথা স্বীকাৰ কৰিছে

Netflix-এ ইয়াৰ অৰিজিনেল আৰ্জেন্টাইন বিজ্ঞান কল্প কাহিনীভিত্তিক শৃংখলা The Eternaut-ত প্ৰথমবাৰৰ বাবে জেনাৰেটিভ কৃত্ৰিম বুদ্ধিমত্তা (AI) ব্যৱহাৰ কৰি ভিজুৱেল ইফেক্ট প্ৰয়োগ কৰিছে। এই ঘটনা Netflix-ৰ কণ্টেন্ট সৃষ্টি প্ৰক্ৰিয়াত AI গ্ৰহণ কৰাৰ দিশত এটা গুৰুত্বপূর্ণ পদক্ষেপ। Netflix-ৰ সহ-CEO টেড ছাৰাণ্ড'ছে বিনিয়োগকাৰীৰ সৈতে হোৱা এক ফোন কলত এই কথা প্ৰকাশ কৰে। তেওঁ কৈছিল যে শৃংখলাখনত বুয়েন'ছ আইৰেছৰ এটা দালান ভাঙি পৰাৰ দৃশ্যটো Netflix-ৰ নিজা ভিএফএক্স (VFX) ষ্টুডিঅ' Scanline-ৰ প্ৰডাকশ্যন ইনভ'ভেচন গ্ৰুপ iLine আৰু শৃংখলাৰ সৃষ্টিশীল দলে AI-ভিত্তিক সঁজুলিৰ সহায়ত তৈয়াৰ কৰিছিল।

ছাৰাণ্ড'ছে উল্লেখ কৰে যে, এই ভিএফএক্স দৃশ্যটো পৰম্পৰাগত উপায়ত কৰা তুলনাত ১০ গুণ তীব্ৰ গতিত সম্পূৰ্ণ কৰা হয় আৰু ব্যয়ো বহুত কম পৰে। যদি পৰম্পৰাগত পদ্ধতিত কৰা হ'লহেঁতেন, তেন্তে ইয়াৰ বাবে যি ব্যয় লাগিল, সেয়া সেই শৃংখলাৰ বাজেটৰ বাবে সম্ভৱ নাছিল। তেওঁ জোৰ দি কয় যে, জেনাৰেটিভ AI-এ কিছু জটিল দৃশ্য দ্রুত আৰু কম খৰচত সম্পাদন কৰিবলৈ সহায় কৰিছে।

তথাপিও, এই ধৰণৰ AI ব্যৱহাৰক লৈ মনোৰঞ্জন উদ্যোগত মিশ্ৰ প্ৰতিক্ৰিয়া দেখা গৈছে। সমালোচকে কয় যে, AI-এ আনৰ কামৰ অনুকৰণ কৰি বিনা অনুমতিত সামগ্ৰী সৃষ্টি কৰিব পাৰে, যি নৈতিক দৃষ্টিৰে প্রশ্নবিদ্ধ। লগতে, কল্পনাশক্তি-নির্ভৰ কামত মানৱ কৰ্মচাৰীহঁতৰ চাকৰি হেৰোৱাৰ আশংকাও দেখা দিছে।

২০২৩ চনৰ হলিউড ৰাইটাৰ্স ষ্ট্ৰাইকত AI-ৰ ব্যৱহাৰ এটা মুখ্য ইস্যু আছিল। সেই ষ্ট্ৰাইক পাছত কৰা চুক্তি অনুসৰি, কোনোমানুস্কে লিখা চিত্ৰনাট্য AI-এ লিখিব বা সম্পাদনা কৰিব নোৱাৰে। Netflix-ৰ ছাৰাণ্ড'ছে পূৰ্বে কয়ছিল যে, AI ব্যৱহাৰে Netflix-ৰ "উৎকৃষ্ট গল্প কোৱাৰ প্ৰতিশ্ৰুতি"ত বাধা নিদিব।

OpenAI-ৰ Sora আৰু Google-ৰ Veo 3 যেনে AI সঁজুলিৰ উন্নতিৰ ফলত উদ্যোগত চিন্তা-চৰ্চা আৰু অধিক বাঢ়িছে। এই সঁজুলিবোৰে সাধাৰণ টেক্সট প্ৰম্প্টৰ পৰা হলিউড মানৰ ভিডিঅ' ফুটেজ নিৰ্মাণ কৰিব পাৰে, যিয়ে সৃষ্টিশীলতা আৰু চাকৰিৰ নিৰাপত্তাৰ ক্ষেত্ৰত আশংকা সৃষ্টি কৰিছে।

Netflix-এ ২০২৬ চনৰ পৰা জেনাৰেটিভ AI-ভিত্তিক ইণ্টাৰেক্টিভ বিজ্ঞাপন শৃংখলা আৰু চিনেমাৰ মাজত দেখুৱাবৰ পৰিকল্পনা কৰিছে, যিটো মাত্ৰ বিজ্ঞাপন-ভিত্তিক সাবস্ক্ৰাইবাৰসকলৰ বাবে হব।

The Eternaut হৈছে আৰ্জেণ্টিনাৰ সৰ্ববৃহৎ বিজ্ঞান কল্প কাহিনীভিত্তিক শৃংখলা। এই শৃংখলাটো Héctor G. Oesterheld দ্বাৰা লিখা আৰু Francisco Solano López দ্বাৰা অংকিত Eisner Award-বিজয়ী গ্ৰাফিক উপন্যাস El Eternauta-ৰ আধাৰত নিৰ্মাণ কৰা হৈছে। মূল কমিকছটো ১৯৫৭-১৯৫৯ চনৰ ভিতৰত খণ্ডে খণ্ডে প্ৰকাশিত হৈছিল আৰু ২০১৫ চনত একক খণ্ড ৰূপে প্ৰকাশ পায়।

এই বছৰৰ এপ্ৰিলত মুক্তিৰ পাছতেই The Eternaut Netflix-ৰ গ্লোবেল নন-ইংলিছ টপ ১০ত স্থান লাভ কৰে আৰু আমেৰিকা, ব্রাজিল, ফ্ৰান্স, জাৰ্মানী, স্পেইনৰ দৰে বহুতো দেশৰ সামগ্ৰিক Top 10-ত প্ৰৱেশ কৰে। শৃংখলাটোৰ দ্বিতীয় খণ্ডৰ ঘোষণা ইতিমধ্যেই দিয়া হৈছে।