ভাৰত চৰকাৰে অসম মেডিকেল কলেজক দুৰ্লভ রোগৰ উৎকৃষ্টতা কেন্দ্ৰ হিচাপে ঘোষণা কৰিলে

ভাৰত চৰকাৰে ২০২১ চনৰ দুৰ্লভ ৰোগ নীতি (NPRD)ৰ অধীনত ডিব্ৰুগড়স্থিত অসম মেডিকেল কলেজ আৰু চিকিৎসালয়ক (AMCH) দুৰ্লভ ৰোগৰ উৎকৃষ্টতা কেন্দ্ৰ (CoE) হিচাপে ঘোষণা কৰিছে। স্বাস্থ্য মন্ত্ৰালয়ৰ ৰেয়াৰ ডিজিজ চেলৰ এটা চৰকাৰী স্মাৰকত AMCH-ক দেশজুৰি নিৰ্ণয়, প্ৰতিৰোধ আৰু চিকিৎসাৰ সুবিধাসম্পন্ন ১৫টা শীৰ্ষস্থানীয় চিকিৎসা প্ৰতিষ্ঠানৰ অন্যতম হিচাপে অন্তৰ্ভুক্ত কৰাৰ অনুমোদন জনোৱা হৈছে। ইয়াৰ জৰিয়তে AMCH, অসম আৰু সমগ্ৰ উত্তর-পূৰ্বাঞ্চলৰ প্ৰথম প্ৰতিষ্ঠান হিচাপে এই গৌৰৱৰ স্বীকৃতি লাভ কৰিছে। NPRD-ৰ নিৰ্দেশিকা অনুসৰি, AMCH-এ বিশেষ চিকিৎসা সেৱা প্ৰদান আৰু গৱেষণা অগ্ৰসৰ কৰিব, যাৰ ফলত অসম আৰু সমগ্ৰ উত্তর-পূৰ্বাঞ্চলৰ ৰোগীৰ স্বাস্থ্যসেৱা উল্লেখযোগ্যভাৱে উন্নত হ’ব।