বি. আৰ. গৱাই ভাৰতৰ ৫২তম প্ৰধান ন্যায়াধীশ হিচাপে শপত গ্ৰহণ কৰে

ন্যায়মূৰ্তি ভূষণ ৰামকৃষ্ণ গৱাই বুধবাৰে ভাৰতৰ ৫২তম মুখ্য ন্যায়াধীশ হিচাপে শপত গ্ৰহণ কৰে। ৰাষ্ট্ৰপতি দ্রৌপদী মুৰ্মুৱে ৰাষ্ট্ৰপতি ভবনত অনুষ্ঠিত এক অনুষ্ঠানত তেওঁক শপত বাক্য পাঠ কৰায়।

সঞ্জীৱ খন্নাৰ স্থলাভিষিক্ত হোৱা গৱাই ২৩ নবেম্বৰ, ২০২৫লৈ এই পদত থাকিব। ১৯৬০ চনৰ ২৪ নবেম্বৰত মহাৰাষ্ট্ৰৰ অমৰাৱতীত জন্ম গ্ৰহণ কৰা গৱাই ২০০৩ চনৰ ১৪ নবেম্বৰত বম্বে উচ্চ ন্যায়ালয়ৰ অতিরিক্ত ন্যায়াধীশ হিচাপে নিযুক্ত হৈছিল আৰু ২০০৫ চনৰ ১২ নবেম্বৰত স্থায়ী ন্যায়াধীশৰূপে উন্নীত হয়। ২০১৯ চনৰ ২৪ মে তাৰিখে তেওঁ উচ্চতম ন্যায়ালয়ৰ ন্যায়াধীশ হয়। তেওঁ বিভিন্ন সাংবিধানিক বেঞ্চৰ অংশ হিচাপে গুৰুত্বপূর্ণ ৰায় প্ৰদান কৰিছে।

তেওঁ ভাৰতৰ প্ৰথমখন বৌদ্ধ ধৰ্মাৱলম্বী মুখ্য ন্যায়াধীশ। এছ চি (SC) শ্রেণীৰ পৰা প্ৰায় ১০ বছৰৰ পাছত এই পদত কোনোবাই নিযুক্ত হ’ল। শুকুৰবাৰে সাংবাদিকৰ সৈতে এক অনানুষ্ঠানিক কথোপকথনত গৱাইয়ে কৈছিল যে সংবিধান হৈছে সৰ্বোচ্চ আৰু ৰাজ্যৰ সকলো অংগে ইয়াৰ সীমাৰ ভিতৰত কাম কৰিব লাগে।

শপত গ্ৰহণ অনুষ্ঠানত উপ-ৰাষ্ট্ৰপতি জগদীপ ধনখড়, প্ৰধানমন্ত্ৰী নৰেন্দ্ৰ মোডী, গৃহমন্ত্ৰী অমিত শাহ, ৰক্ষামন্ত্ৰী ৰাজনাথ সিং, আৰু বিদেশ মন্ত্ৰী এছ জয়শংকৰ উপস্থিত থাকে। পূৰ্বৰ মুখ্য ন্যায়াধীশ খন্না আৰু উচ্চতম ন্যায়ালয়ৰ বহু ন্যায়াধীশও তাত উপস্থিত থাকে।